Eskubaloi eskola
Aipatu, joan diren urte hauetan Eskolan hasitako neska-mutilak ehundaka izan direla eta hasi direla jada gure klubeko senior taldeekin aritzen.
Baina, eskola, eskubaloia baino haratago doa. Ez gara kirolaren alderdi teknikoetara mugatzen, eta honako baloreak saiatzen gara helarazten gure eskolako neska- mutilei:
- Taldekide, guraso, aurkari, epaile eta erabiltzen ditugun instalazioekiko errespetua.
- Euskararen erabilera.
- Gizartearekiko inplikazioa, gizarte eta kultura ekimen ezberdinetan parte hartuz.
- Berdintasuna: Elgoibarko udalak ere hala saritu du. Ez dago batere bazterketarik sexua, erlijioa edo arraza dela eta. Emakumeak eta gizonak ditugu Klubeko eta Eskolako estamentu guztietan. Gainera, ez ditugu jokalariak kirol- mailaren arabera sailkatzen.
Eskubaloi Eskolan LH 3 eta 4. mailako (benjaminak) eta LH 5 eta 6. mailako (alebinak) jokalariek parte hartzen dute. Astero entrenatzeaz gain, partiduak eta txapelketak ere jokatzen dituzte, horretarako eskola kirolak ezarritako datetan. Oro har, eskubaloi txikia jokatzen dute kantxa erdia erabiliz eta nagusienek kantxa osoan jokatzen dute, infantil mailarako prestaketa moduan.
Horretaz gain, urtean pare bat aldiz eskubaloia kalera ateratzen dugu, txikienek dakitena erakutsi eta probatu nahi dutenek eskubaloia ezagutzeko aukera izan dezaten.
